Дьокуускайга саастаах дьон умнуган буолуутун, түөһэйиини сэрэтэр, сааһырбыт төрөппүттэр психологияларын үөрэтэр, дьиэ кэргэҥҥэ аҕам саастаах дьону кытта биир тылы буларга көмөлөһөр «Незабудка” бырайыак үлэтэ саҕаланна. Бырайыак ааптара, Республикатааҕы социальнай хааччыйыы кэлим киинин дириэктэрэ Наталья Пахомова көҕүлээһининэн аҕам саастаах дьону кытта дьарыктанарга анал кабинет арыллыбыта. Манна хайыы-үйэ бастакы дьарыктар ыытылла тураллар. Бу туһунан Саха НКИК сонуннарыгар кэпсээтилэр.