🔶🌿Бүгүн үйэлээх үгэспит — Ыһыах күнүн көрсө Социальнай дьиэ олохтоохторугар саха таҥаһын күрэҕэ тэриллэн ыытылынна.

🔷🌿Күрэх сыала-соруга — сахалыы таҥаһы киэҥ эйгэҕэ тарҕатыы уонна иис култууратын, ойуу-мандар, симэх үгэстэрин кэҥэтии.

🔶🌿Тэрээһиҥҥэ олохтоохтор олус көхтөөхтүк кытыннылар. Ол курдук, маанылаах дьиэ кэргэн, 57 сыл бииргэ ыал буолан олорон кэлбит тумус туттар дьоммут — Евгения Иннокентьевна уонна Николай Иванович Михайловтар, ырыа — тойук аргыстаах, чөл оло5у өрө туппут маанылаах дьоммут Нина Прокопьевна, Петр Семенович Наумовтар, Маргарита Давыдова, Александра Сокорутова, Роман Никифоров, Раиса Самсонова, Вера Стручкова уонна кырачаан Мичийэ Сивцева бэйэлэрэ уонна чугас дьонноро тикпит сахалыы таҥастарынан кыттыыны ылбыттарыгар истиҥник махтанабыт.

🔷🌿Бу күрэх түмүгүнэн, дьүүллүүр сүбэ быһаарыытын 1 миэстэни Наумовтар, 2 анал бирииһи Михайловтар, 3 биһирэм миэстэни Раиса Самсонова ыллылар.

🔶🌿 Саха таҥаһын күрэҕин иилээн-саҕалаан, уустаан-ураннаан специалист Саргылана Максимова ыытта. Дьүүллүүр сүбэ5э үлэлэспит коллегабытыгар Евгений Григорьевка (ТК салаа специалиһа), Ыһыах ырыатын бэлэхтээбит биир идэлээх коллегабытыгар Олимпиада Канаева5а (ОСА «Тирэх») уонна ОДУ «Эрчим» үлэһитигэр Айталина Матвеева5а махтанабыт❤️

🔷🌿Кыайыылаахтар социальнай киин директора Наталья Пахомова дипломунунан уонна туоһу суругунан наҕараадаланнылар. Бука бары кыттыбыт дьоҥҥо истиҥ бэлэх туттарылынна.
🔶🌿Ыһыах күнүнэн, күндү доҕоттоор!🙌🏻✊🏻

#новостиРКЦСО #спецдом #нашинаниматели #социальнаяработа #лето2025 #Ыһыах