🕊Социальнай хааччыйыы республикатааҕы кэлим киинин социальнай үлэһитэ Лючия Егорова сэрии сылларын оҕолорун оонньооботох оҕо саастарын киинэ оҥорон таһаарда. Кыайыы 80 сылын көрсө Лючия Спиридоновна күннэтэ алтыһар, көрөр-истэр кырдьаҕастарын кэпсээннэрин үйэтитэр сыалтан киинэ оҥорор туһунан быһаарыыны өссө былырыын ылыммыт. Биир идэлээхтэрин, салайааччыта Наталья Пахомованы кытта сүбэлэһэн, Кэбээйинэн, куорат аттынааҕы Хатас нэһилиэгинэн киинэ кадрдара уһуллубуттар.

«Киинэни таҥан таһаарыыга Николай Павлов монтажтаан көмөлөстө, дойдум дьоно – Кэбээйи нэһилиэгин олохтоохторо, үөрэнээччилэрэ, музей үлэьиттэрэ көмөлөһөн, аҕам саастаах дьоммутугар дьоһуннаах бэлэҕи утары ууннубут диэн», — Лючия Егорова кэпсиир.
«Сэрии оҕолоро» киинэни бу сигэннэн киирэн көрүөххэ сөп: vk.com/wall-217340462_2326

#новостиРКЦСО #социальнаяработа #ВеликаяПобеда80